عەلی باپیر، سەرۆكی كۆمەڵی دادگەری كوردستان رەخنەی توند لە هەمواری یاسای خێزانی دەگرێت و رایدەگەیەنێت "قەیرانی ئەخلاقی كە ڕوبەڕوی كۆمەڵگەكەمان دەبێتەوە و لەهەوڵدان بۆ هەڵوەشاندنەوەی خێزان لەڕێگای پەرلەمان و كەناڵە جیاوازەكان.
نووسینگەی عەلی باپیر، سەرۆكی كۆمەڵی دادگەری، لە راگەیەنراوێكدا بڵاویكردەوە، ئەمڕۆ عەلی باپیر، لەگەڵ بەرپرس و كارگێڕو ئەندامانی مەڵبەندی دهۆكی كۆمەڵی دادگەریی كۆبۆوە و لە بەشێكی قسەكانیدا رایگەیاندووە "قەیرانی ئەخلاقی ڕوبەڕوی كۆمەڵگاكەمان دەبێتەوە لەهەوڵدان بۆ هەڵوەشاندنەوەی خێزان لەڕێگای پەرلەمان و كەناڵە جیاوازەكان و چۆنیەتی كاركردن و پارێزگاریی لە شوناسی مسوڵمانەتیمان".
عەلی باپیر ئاماژەی بەوەكردووە "بۆیە كۆمەڵی دادگەریی لەڕێگای ئۆرگانەكانەوە پێویستە ڕوبەڕوی ئەم شەپۆڵە نەخوازراوە ببنەوەو بەردەوام بن لە تێكۆشان و بانگەواز بۆ ڕاستە ڕێگای ھیدایەت و پاراستنی بەھا ئەخڵاقییەكانی كۆمەڵگە".
لە چەند رۆژی رابردوودا پەرلەمانی كوردستان خوێندنەوەی بۆ یاسای بەرەنگاربوونەوەی توندوتیژی خێزانی كرد كە بڕگەیەكی ئەوەیە "ئەگەر ژن و مێر دبە زۆر سەرجێی لەگەڵ یەكدی بكەن بە تاوان دادەنرێت" ئەوەش كاردانەوەی زۆری لێكەوتۆتەوە.