هەرچەندە حکومەتی هەرێم پێشتر رایگەیاندووە کە مانگانە لە ٢٥ ی ئەو مانگەدا مووچە دابەشدەکرێت، بەڵام ئەم مانگەش هاوشێوەی مانگی پێشوو دوا دەکەوێت.

بەپێی زانیارییەکانی ماڵپەڕی " سپی " میدیا، ٢٥ی ئەیلول مووچەی مانگی ئەیلول دابەش ناکرێت و دەکەوێت سەری مانگی تازە، مانگی تشرینی یەکەم.

بەپێی ئەو زانیاریانە رۆژی ٢ ی تشرینی یەکەم دەستدەکرێت بە دابەشکردنی مووچەی مانگی ئەیلول( ٩ ).

ماڵپەڕی نزیک بزووتنەوەی گۆڕان کە وەزیری دارایی سەر بەهەمان لیستە، بڵاویکردۆتەوە کە مووچەی مانگی ئەیلول دوا دەکەوێت.

رۆژی ٢٢ ی ئەیلول ماڵپەڕی " سپی " بڵاویکردەوە کە مووچەی ئەم مانگە ٢٥ ی ئەیلول دابەش ناکرێت و دەکەوێتە ٢ تشرینی یەکەم.