بەهۆی بۆردومانی حیزبەكانی رۆژهەڵات لەلایەن كۆماری ئیسلامی ئێرانەوە، وەزارەتی رۆشنبیری فیستیڤاڵێكی نێودەوڵەتی راگرت.
وەزارەتی ڕۆشنبیری و لاوانی حكومەتی هەرێمی كوردستان لە راگەیەنراوێكدا رایگەیاندووە "بڕیار بوو ڕۆژانی2022/9/29 تا 2022/10/2 هەشتەمین فێستیڤاڵی كلتوورە جیاوازەكان كەساڵانە وەزارەتمان ئەنجامی دەدات لە ڕانییە و بەئامادەبوونی چەندین گروپ و تیپی هونەری لەچەندین وڵاتی جیهان سازبكرێت".
هەروەها ئاماژەی بەوەكردووە "بەهۆی ئەو بارودۆخە نەخوازراوەی پێشهات، لەبۆردومانكردنی خوشك و برایانی ڕۆژهەڵات و شەهید بوونی ژمارەیەك هاووڵاتی سڤیل، بە بڕیاری وەزیری ڕۆشنبیری و لاوان، فێستیڤاڵەكە ڕاگیرا".