ئەمینداری گشتی یەكگرتووی ئیسلامی كوردستان رایدەگەیەنێت، درێژكردنەوەی پەرلەمان كارێكی نایاساییە و دەڵێت "دەشتوانین بڵێین پینەی مەوزوعێكە".
- سەڵاحەدین محەمەد بەهائەدین، ئەمینداری گشتی یەكگرتوی ئیسلامی كوردستان ئەمڕۆ لەگەڵ بەرپرسانی هەردوو مەڵبەندی هەولێرو دەوربەری هەولێرو ئەندامانی سەركردایەتی بەشداری یادی مەولودی كرد و رایگەیاند، "درێژكردنەوەی تەمەنی پەرلەمان كارێكی نایاساییە، بەڵام ئەشتوانین بڵێین پینەی مەوزوعێكە، فەڕاغێك دروست دەبێت و مەجبورن تەواوی بكەن، بەڵام كێ هۆكاری ئەو فەڕاغەیە؟ ئەوەش مەعلومە".
ناوبراو ئاماژەی بەوەكرد "هیچ كێشەیەك نیە بەبێ چارەسەر بمێنێتەوە، بەڵام دەبێت ئەقڵێتێكی دڵسۆزو خەمخۆر هەبێت و توانای تەنازول و حیواری هەبێت".
بڕیارە سبەینێ پەرلەمانی كوردستان بۆ دەنگدان لەسەر پێشنیازەیاسای بەردەوامبونی خولی پێنجەمی پەرلەمانی كوردستان كۆببێتەوە.