بەپێى نوسراوێکى وەزارەتى کار و کاروبارى کۆمەڵایەتى کە واژۆى کوێستان محەمەد وەزیرى کاروکاروبارى کۆمەڵایەتى لەسەرە، ئاراستەى سەرۆکایەتى ئەنجومەنى وەزیران و وەزیرى هەرێم بۆ کاروبارى پەرلەمان و نوسینگەى وەزیرى داد کراوە، تێیدا تیشک خراوەتەسەر یاساى ژمارە (٥)ىى ساڵى ٢٠٢٢ى یاساى هەموارى جێبەجێکردنى یاساى چاودێرى نەوجەوانان.

لە نووسراوەكەدا وەزیری کار و کاروباری کۆمەڵایەتی روونی كردووەتەوە، ئەم یاسایە پێچەوانەی مافەكانی منداڵە، بۆیە بە هیچ شێوەیەك لەگەڵ ئەو یاسایە نین، داواش لەو لایەنانە دەكات كە هەوڵی خۆیان بخەنەگەڕ بۆ هەڵوەشاندنەوەی یاساكە.