بەهۆی مەترسی دروست بوونی ڕوودانی لافاو لە سنوری پارێزگای هەولێر، وەزارەتی تەندروستی حکومەتی ماوەبەسەرچووی هەرێم سەرجەم تیمەکانی خستە حاڵەتی ئامادەباشییەوە.
لەمبارەیەوە تەندروستی هەرێم لە ڕاگەیەندراوێکدا بڵاویکردەوە" تیمەکانی فریاگوزاری خێرا ١٢٢ و تیمەکانی ئەمبوڵانس و پزیشکی فریاکەوتن لە ئامادەباشی دان بۆ هەر پێشبینیەکی بارانی بەخوڕ و ئەگەری ڕوودانی لافاو بۆ بەهاناوەهاتنی هاوڵاتیان و پێشوازیکردنی هاوڵاتیان".
بەپێی پێشبینییەکانی بەڕێوەبەرایەتی گشتی کەشناسی و بومەلەرزەی هەرێم، لە درەنگانی ئەمشەو شەپۆلێکی بەهێزی بارانبارین ناوچەکانی هەرێم دەگرێتەوە بۆ ماوەی چەند رۆژێک بەردەوامی دەبێت، هەروەها پێشبینی دروستبوونی لافاو و بەرزبوونەوەی ئاستی ئاو دەکرێت.