لیژنەی باڵای ماددەی ١٤٠ كارا دەكرێتەوە وەزیرێكی حكومەتی عێراق رایدەگەیەنێت، بەپێی رێككەوتنی نێوان هەرێم و بەغدا لە ماوەی مانگێكدا قەرەبووكردنەوەی زیانمەندانی ماددەی ١٤٠ دەست پێدەكاتەوە.
خالید شوانی وەزیری دادی عێراق رایگەیاند، لیژنەی باڵای ماددەی ١٤٠ كارا دەكرێتەوە و ھەموو ئەو ھاوڵاتیانەی دۆسیەیان ھەیە لە چوارچێوەی ماددەی ١٤٠ قەرەبوو دەكرێنەوە.
شوانی روونیكردەوە، لە ماوەی ١٠ رۆژدا كارەكانی لیژنەكە دەست پێدەكاتەوە و بودجەی خەمڵێنراوی خۆی دەداتە ئەنجومەنی وەزیران بۆ ئەوەی لە پرۆژەیاسای بودجەی ساڵی ٢٠٢٣ جێگای بكرێتەوە.