وەزارەتی گواستنەوەی عێراق رایدەگەیەنێت، بوومەلەرزەیەك بە گوڕی ٣.٥ پلە سنوری پارێزگای دهۆكی هەژاند.
وەزارەتی گواستنەوەی عێراق لە راگەیەندراوێكدا بڵاویكردەوە، بەرەبەیانی ئەمڕۆ بوومەلەرزەیەك سنوری پارێزگای دهۆكی هەژاند، بوومەلەرزەكە لە كاتژمێر ٦:٠٥ی بەیانی بە كاتی ناوخۆ بووە و لە دووری ٣٧ كیلۆمەتر لە پارێزگای دهۆك بووە و گوڕەكەی ٣،٥ پلەی رێختەر بووە.
هەروەها ئاماژەی بەوەداوە، بوومەلەرزەكە لەلایەن هاوڵاتیانی دانیشتووی سنوری پارێزگای دهۆك بە دیاریكراوی لە سەر هێڵی سنوری عێراق – توركیا هەستی پێكراوە.