ئەنجومەنی ئاسایش( پارتی ) داوا لە هاوپەیمانان‌و عێراق دەکەن لێکۆلێنەوە بکەن لەو فرۆکانەی هەسەدە چۆن بەسەر هەرێمدا بێ مۆڵەت دەفڕن.
ئەنجوومەنی ئاسایشی هەرێمی کوردستان( پارتی) لە راگەیاندنێکدا لەسەر کەوتنەخوارەوەی ئه‌و هێلیکۆپتەری ٩ شەڕڤانی هەسەدەی تێدا کوژرا، داوا لە هاوپەیمانان و حکومەتی فیدراڵی دەکەن لێکۆلێنەوە بکەن لەو فڕۆکانەی هەسەدە چۆن بەسەر هەرێمدا بێ مۆڵەت دەفڕن.
ئه‌مڕۆ یه‌كشه‌ممه ١٩ ی ئازار، ئەنجوومەنی ئاسایشی هەرێمی كوردستان له راگه‌یاندراوێكی ڤیدیۆییدا ئاماژە بۆ ئەوە دەکەن ئەو هێلیکۆپتەرانه لە چەند بنکەیەکی پارێزگای سلێمانی دابەزیون و بەرەو رۆژئاوا فڕیون.
ئەنجومەنی ئاسایشی هەرێم ( پارتی ) ئەوەش ئاشکرا دەکەن، " لایەنێک لە سلێمانی بەشێوەیەکی نهێنی و نافەرمیی رێگەخۆشکەر بووە بۆ پەیوەندییەکانی هێزەکانی هەسەدە و پەکەکە و بە چەندین جۆری جیاواز هاوکارییان کردوون."