وەزارەتی كارەبای حكومەتی هەرێم رایدەگەیەنێت، بەهۆی راگرتنی بەرهەمهێنانی نەوت لەهەردوو كێڵگەی نەوت لە گەرمیان و خۆرمەڵەی سنوری هەولێر بەرهەمهێنانی كارەبا بەبڕی 330 مێگاوات كارەبا كەمیكردووە.
ئومێد ئەحمەد، وتەبێژی وەزارەتی كارەبای حكومەتی هەرێم لەڕاگەیەندراوێكدا ریەیندووە، بڕیارەكەی دادگای پاریس بووە هۆی راگرتنی بەرهەمهێنانی نەوت لەچەند كێڵگەیەكی كوردستان و بەهۆیەوە بەرهەمهێنانی كارەبا كەمیكردووە بەجۆرێك، لەئێستادا لە وێستگەی كارەبا لەگەرمیان كە بەغازی كێڵگەی نەوتی حەسیرە كارەبا بەرهەم دەهێنێت 80 مێگاوات كارەبا كەمیكردوە و لە وێستگەی خۆرمەڵەش لەهەولێر بەبڕی 250 مێگاوات كارەبا كەمیكردوە.
ناوبراو ئاماژەی بەوەكردوە، بەمەش بەرهەمهێنانی كارەبا 330 مێگاوات لەتۆڕی كارەبای نیشتمانی كەمیكردوە، وەزارەتی كارەبا لەهەوڵدایە بەپشتبەستن بە كارەبای هایدرۆپاوەری هەردوو بەنداوی دوكان و دەربەندیخان و وێستگەكانی غازی سلێمانی و هەولێر قەرەبووی ئەو كەمبونەوەیە بكاتەوە.