راوێژکاری ئاسایشی نەتەوەیی عێراق رایگەیاند، "لەگەڵ وەزیری ناوخۆی هەرێم کۆبووەتەوە و راپۆرتی کاروباری ئەمنی ئەم ماوەیەیان خستووەتەڕوو هەرێمی کوردستانیش پابەندی خۆی بە رێککەوتنی ئەمنی نێوان عێراق و ئێران دووپاتکردووتەوە".
ئەمڕۆ شەممە، قاسم ئەعرەجی راوێژکاری ئاسایشی نەتەوەیی عێراق راگەیەنراوێکی بڵاوکردەوە و تێیدا هاتووە، بە رێنمایی سەرۆک وەزیرانی عێراق و بە رابەرایەتی شاندێکی دەزگا ئەمنییەکان و وەزارەتی دەرەوەی عێراق سەردانی شاری سلێمانی کردووە.
ئاماژەی بەوەشکرد، لەگەڵ رێبەر ئەحمەد وەزیری ناوخۆی هەرێم کۆبوونەتەوە و بەرپرسانی هەرێم راپۆرتێکیان لەسەر ئەو رێکارە ئەمنیانەی گرتوویانەتە بەر خستەڕوو بە هەمان شێوە دەزگا عێراقییەکانیش راپۆرتی کاروبارەکانیان باسکرد.
ئەوەشی خستەڕوو، وەزیری ناوخۆی هەرێم پابەندبوونی خۆی بە رێککەوتنی ئەمنی نێوان عێراق و ئێران دووپاتکردووەتەوە.