ئەمڕۆ بومەلەرزەیەك بە گوڕی ٣.٤ پلەی رێختەر لە رۆژهەڵاتی زۆنگاوەكانی حەوێزە لە پارێزگای بەسڕە روویدا.
ئەمڕۆ دووشەممە، وەزارەتی گواستنەوەی عێراق راگەیاندراوێكی بڵاوكردەوە و رایگەیاندووە "بوومەلەرزەیەك بە گوڕی ٣.٤ پلەی رێختەر لە سنوری نێوان باشوری عێراق و ئێران روویدا، بوومەلەرزەكە چەقەكەی لە رۆژهەڵاتی زۆنگاوەكانی حەوێزەی سەر بە پارێزگای بەسرە بووە".
هەر بەپێی راگەیەنراوەكە "بوومەلەرزەكە لەلایەن هاوڵاتیانەوە هەستی پێنەكراوە و تا ئێستا هیچ زیانێكی گیانی یان ماددی تۆمارنەكراوە".