ناوبژیوانی پێشووی نێودەوڵەتی، ماتیو لاهۆز دیمەنەکانی ئەو ناکۆکییە بەناوبانگەی ئاشکرا کرد کە لە نێوان خۆی و لیۆنێل میسی ئەرجەنتینی ڕوویدا، لە یاریی کۆتایی مۆندیال لەم دواییانەدا لە قەتەر، کە تێیدا ناوبژیوانی یارییەکەی چارەکی کۆتایی نێوان ئەرجەنتین و هۆڵەندا بوو، کە "تانگۆ” بردنەوەی بە لێدانەکانی سزای یەکلاکەرەوە بە دەستهێنا دوای یەکسانبوونێکی دراماتیکی (2 -2).
ماتیۆ بۆ ماوەی 15 وەرز لە خولی پلە یەکی ئیسپانیا چەندین یاری بەڕێوەبرد، هەروەها کەسایەتیەکەی یەکێک بوو لە کەسایەتییە مشتومڕاوییەکان بەهۆی شێوازی ناوبژیوانی و گفتوگۆکانی لەگەڵ ڕاهێنەر و یاریزانەکان.
ماتێۆ لاهۆز لە کاتی بەڕێوەبردنی یارییەکانی بەرشەلۆنە لە ماوەی ژیانی وەرزشیدا لە یاریگاکانی ئیسپانیا مشتومڕێکی زۆری بەدوای خۆیدا هێنا و هاندەرانی یانە کەتەلۆنییەکە هەمیشە بە "دوژمنی بارسا" وەسفیان دەکرد.
لەکاتێکدا ئەو لەوێ بوو بۆ شیکردنەوەی یارییەکەی گەڕی هەشتەمی نێوان ئەتلەتیکۆ مەدرید و قادش، پێشکەشکار پاکۆ گۆنزالێز دەرفەتەکەی قۆستەوە و پرسیاری لەبارەی هەندێک لەو ناکۆکییە بەناوبانگانەی لێکرد کە لە یاریگادا لەگەڵیدا ڕوویانداوە.
ناوبژیوانە ئیسپانییەکە سەبارەت بە ڕووبەڕووبوونەوەی ئەرجەنتین و هۆڵەندا ڕایگەیاند، پێشتر هیچ ناوبژیوانی یارییەک نەبووە کە ڕاهێنەرەکان ئەوەندە ورووژێنەر و وروژێنەر بن، هەروەها هەرگیز ناوبژیوانی یارییەک نەبووە کە تێیدا شەڕێکی وەک ئەو شەڕە هەبێت کە ئەزموونی کردووە لە نێوان هەردوو تیپەکەدا، و ئەرکەکەی کەسی ڕازی نەکرد، هەروەها ڕەخنەی لێگیرا، کارێکی توندی لەلایەن لیۆنێل مێسی و دیێگۆ مارتینێز لە ناوچەی دەرچوونی یاریزانەکان بەرامبەر کراوە.
بڕیارەکانی ناوبژیوان لەو یارییە بەناوبانگەدا مشتومڕی لێکەوتەوە بە بەکارهێنانی ١٧ کارتی زەرد و یەک کارتی سوور، بەمەش ژمارەی پێوانەیی کۆنی مۆندیالی شکاند لەم بارەوە.
میسی لە لێدوانە تەلەفزیۆنییەکانی دوای یارییەکە هێرشێکی توندی بۆ سەر لاهۆز دەستپێکرد و وتی: ناتوانی ناوبژیوانێکی لەم شێوەیە لە یارییەکی بەم قەبارەیە دابنێیت، پێموایە فیفا پێویستە گرنگی بەو شتە بدات.
لاهۆز بۆ گوێگرانی ئاشکرای کرد کە لیۆنێل مێسی بە شێوەیەکی شەخسی پەیوەندی پێوەکرد و داوای لێبوردنیشی کرد بەهۆی ئەو قسە توندانەی پێش و دوای یارییەکەی هۆڵەندا ئاراستەی کردووە.
ناوبژیوانە مشتومڕاوییەکە کۆتایی ژیانی وەرزشی خۆی بە ناوبژیوانی یارییەکانی تۆپی پێ لە یاریی نێوان ڕیاڵ مایۆرکا و ڕایۆ ڤالیکانۆ لە قۆناغی کۆتایی خولی ئیسپانیا، وەرزی ڕابردوو نووسییەوە.
ماتیو لاهۆز بۆ یەکەمجار وەک ناوبژیوان لە خولی پلە یەکەکانی ئیسپانیا لە ساڵی ٢٠٠٨ دەرکەوت، و زیاتر لە ١٥ ساڵ بەردەوامی بۆ تۆپی پێی ئیسپانیا دابین کرد.
دوور لە تۆپی پێی ئیسپانیا، ناوبژیوانی تەمەن 46 ساڵ بەشداری یارییەکانی ئۆڵۆمپیادی ڕیۆ دی جانیرۆی 2016 و یۆرۆی 2020 و جامی جیهانی ڕووسیا 2018 و قەتەری 2022ی کرد، هەروەها سەرکردایەتی یاری کۆتایی چامپیۆنزلیگی 2020-2021ی نێوان چێڵسی و مانچستەر سیتی کرد .