سەرباری بڕیارەکانی وەزارەتی پەروەردە، بایکۆت لە سنووری سلێمانی، هەڵەبجە و هەردووک ئیدارەی گەرمیان و ڕاپەڕین بەردەوامە و ئەمڕۆش مامۆستایان خۆپشاندانیان ئەنجام دا.
ئەمڕۆ یەکشەممە ٢١ی کانونی دووەمی ٢٠٢٤ جارێکی دیکە مامۆستایانی ناڕازی لە شارەکانی سلێمانی، هەڵەبجە، کۆیە و کەلار بۆ دەربڕینی ناڕازەیەتی هاتنەوە سەر شەقامەکان و خۆپشاندانیان ئەنجانمدا.
دامەزراندنی مامۆستایانی وانەبێژ، دەستپێکردنەوەی پلەبەرزکردنەوە و چارەسەرکردنی کێشەی مووچە دیارترین داواکاری مامۆستایانن، بەڵام تا ئێستا حکومەتی هەرێم هیچیانی جێبەجێ نەکردووە.
مامۆستایانی ناڕازی رایانگەیاند" تا هەڕەشە بکەن ئێمە سوورتر دەبین لەسەر بایکۆت و مافەکانمان رەوان و لە هێز ناترسین و داوا دەکەین بەدەم داواکارییەکانمانەوە بێن".
لە سلێمانی یەک لەسەر سێی قوتابخانەکان دەوام دەکەن و بایکۆت لە بەشەکەی تری قوتابخانەکان بەردەوامە.