دەزگای هەڵبژاردنی یەکێتی ڕایگەیاند، لەگەڵ ئەنجامدانی هەڵبژاردنین لە وادەی خۆیدا.
ڕزگار حاجی حەمە، لێپرسراوی دەزگای هەڵبژاردنەکانی یەکێتی بە میدیای حزبەکەی ڕاگەیاند" یەکێتی لەگەڵ ئەنجامدانی هەڵبژاردنی پەرلەمانی کوردستانە لە وادەی خۆیدا و دەیانەوێت هەڵبژاردن لەو ماوەیەی کە لەلایەن سەرۆکی هەرێم و کۆمیسیۆنی باڵای هەڵبژاردنەکانی عیراق دیاریکراوە بکرێت".
دەشڵێت" بە هیچ شێوەیەک لەگەڵ دواخستنی وادەی هەڵبژاردن نین و پێمان خۆشە هەموو هێز و لایەنە سیاسییەکانی کوردستان بەشداری لە هەڵبژاردنەکەدا بکەن".
زگار حاجی حەمە راشیگەیاند" ئەمرۆ بەڕەسمی لیستی کاندیدەکانمان لە سنوری هەرچوار بازنەی (سلێمانی ، هەولێر ، دهۆک ،هەڵەبجە ) پێشكەش بە کۆمسیۆنی باڵای سەربەخۆیی هەڵبژاردنەکانی عیراق کردو ئێمە ئامادەین بۆ هەڵبژاردنی پەرلەمانی کوردستان".
بۆ هەڵبژاردنی پەرلەمانی کوردستان تێکڕا ٢٠ حزب و ٢هاوپەیمانێتی و ٦٢ کاندیدی سەربەخۆ بۆ بەشداریکردن لە پرۆسەکە تۆمارکراون، بەڵام تائێستا تەنها دوو هاوپەیمانێتی و ١٠ حزب و ٥٤ کاندیدی سەربەخۆ ناویان تۆمار کردووە.