ئەمڕۆ چوارشەممە ئەنجوومەنی وەزیرانی هەرێم کۆدەبێتەوە و لە کۆبوونەوەکەدا مووچەی فەرمانبەران بۆ مانگی نیسان و چەند تەوەرێکی دیکە تاوتوێ دەکات.
بەپێی زانیارییەکان، ئەمڕۆ ٢٤ی نیسانی ٢٠٢٤ ئەنجومەنی وەزیرانی هەرێم کۆبوونەوەی ئاسایی خۆی ئەنجامدەدات و سێ تەوەر تاوتوێ دەکات.
بەپێی کارنامەى کۆبونەوەى ئەنجوومەنى وەزیران، لە
بڕگەی یەکەمی کۆبوونەوەکەدا مووچەی مانگی چواری فەرمانبەرانی هەرێم و وادەی دابەشکردنی تاوتوێ دەکرێت، هەروەها باس لە پرسی داهاتە نەوتی و نانەوتییەکان و رادەستکردنیان بە بەغداد دەکرێت.
هەروەها، لە تەوەرێکی دیکەدا باس لە پڕۆژەی هەژماری من تایبەت بە تەوتینکردنی مووچەی فەرمانبەران دەکرێت، هاوکات باس لە رێککارەکانی گەڕاندنەوەی پێشینەکان و ئاسانکارییەکان بۆ ئەو پڕۆسەیە دەکات.