ئەنجامی بەرایی خولی دووەمی هەڵبژاردنی پێشوەختەی پەرلەمانی فەڕەنسا ڕاگەیەندرا

کەمێک پێش ئێستا ئەنجامە سەرەتاییەکانی خولی دووەمی هەڵبژاردنی گشتی پێشوەختەی پەرلەمانی فەرەنسا بڵاوکرایەوە کە بەپێی ئەنجامەکان تائێستا پارتی چەپەکان لە پێشەوەن. 
 
بەپێی ئەنجامە بەراییەکانی خولی دووەمی هەڵبژاردنی پێشوەختەی پەرلەمانی فەرەنسا، لە ئێستادا هاوپەیمانی چەپەکان ١٧٢ بۆ ٢١٥ کورسی بەدەستهێناوە، هەروەها پارتی بەرەی نیشتمانی راستڕەوی دژە کۆچبەر ١١٥ بۆ ١٨٠ کورسی بەدەستهێناوە. 
 
هاوکات هاوپەیمانی ناوەڕاست کە هاوپەیمانێتییەکی میانڕۆی ئیمانوێل ماکرۆنی سەرۆکی فەرەنسایە ١٥٠ بۆ ١٨٠ کورسییەکانی بەدەستهێناوە. 

رۆژی ٣٠ی حوزەیرانی ٢٠٢٤ خولی یەكەمی هەڵبژاردنی پێشوەختەی پەرلەمانی فەرەنسا بەڕێوەچوو، لە خولی یەكەمیشدا، هاوپەیمانی بەرەی نیشتمانی ڕاستڕەوی توندڕەو ٣٣.٥٪ی دەنگەكانی بەدەستهێنا، هاوپەیمانی چەپەكانیش ٢٨.١٪ی دەنگەكانیان بەدەستهێنا و  هاوپەیمانیەكەی ماكرۆنیش ٢٠.٧٪ی دەنگەكانی بەدەستهێنا.


PM:09:35:07/07/2024