ئەمەریکا داوا لە تورکیا دەکات ئۆپراسیۆنەکانی بە هەماهەنگی لەگەڵ هەولێر و بەغدا بکات

 
ئەمەریکا، داوا لە حکومەتی تورکیا کردوە بۆ هێرشەکانی لە هەرێمی کوردستان لەگەڵ بەرپرسانی عێراق و هەرێمی کوردستان هەماهەنگی بکات.

ماسیۆ میللەر، وتەبێژی وەزارەتی دەرەوەی ئەمەریکا لە کۆنگرەیەکی رۆژنامەوانیدا رایگەیاند" داوایان لە حکومەتی تورکیا کردوە هەماهەنگی هەبێت لە گەڵ بەرپرسانی عێراق و هەرێمی کوردستان لە کاتی ئەنجامدانی ئۆپراسیۆنەکانیدا".
 
لەبارەی پاراستنی گیانی هاوڵاتیانەوە، وتیشی " داوایان لە تورکیا کردوە، ئاگاداری هاوڵاتیانی سیڤیل و مەدەنی ناوچەکە بن و لە زیانی ئۆپراسیۆنە سەربازیەکان بیانپارێزیت".
 
تورکیا بە پێچەوانەی هێرشەکانی ترەوە هیچ هەرایەکی میدیای پێشوەختەی بۆ هێرشی ئەمجارەی نەکردو وا ماوەی پێنج مانگە بەردەوامەو زیاتر لە ٥٠٠ هێرش و بۆردومانی ئەنجام داوە و بە دەیان گوند چۆڵکراون و بەهەزاران دۆنم زەوی کشتوکاڵی سوتان، یان چۆڵکراون.



AM:11:10:09/07/2024