کەشناسی هەرێم: پلەکانی گەرما بەرزتردەبنەوە

کەمێک پێش ئێستا بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەینێ پلەکانی گەرما بەرزدەبنەوە و خێرایی باش زیاد دەکات". 

بەپێی پێشبینییەکانی کەشناسی هەرێم، ئەمڕۆ ئاسمان لە نێوان پەڵە هەور و نیمچە هەور دەبێت لەگەڵ بوونی تۆزێکی سووک، هاوکات پلەکانی گەرما بەراورد لە تۆمارکراوەکانی دوێنێ بەرزتردەبنەوە، خێرای باش (١٥ - ٢٠)کم دەبێت بە ئاڕاستەی باکوری خۆرئاوا و مەودای بینین (٧ - ٩)کم دەبێت. 

ئەوەشی خستەڕوو، سبەینێ پێنج شەممە ئاسمان لە نێوان پەڵە هەور و نیمچە هەور دەبێت، لەگەڵ بوونی تۆزێکی سووک، هەروەها پلەکانی گەرما بەرزدەبنەوە، خێرای باش (١٥ - ٢٥)کم دەبێت بە ئاڕاستەی باکوری ڕۆژئاوا و مەودای بینین (٨ - ١٠)کم دەبێت. 

بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە: 

هەولێر: ٤٥

سلێمانی: ٤٢

دهۆک: ٤٤

زاخۆ: ٤٤

هەڵەبجە: ٤٤

کەرکوک: ٤٦

سۆران: ٤٣

حاجی ئۆمەران: ٣٢

گەرمیان: ٤٧


AM:10:00:10/07/2024