ژنێکی دووگیان و منداڵێکی دوو ساڵانی لەلایەن هاوسەرەکەیەوە کوژران

هاوڵاتییەکی دانیشتووی پاوە دوای تێپەڕبوونی چەند مانگێک دانی بە کوشتنی هاوسەرەکەی کە دووگیان بووە، بە ناوی بەیان ئەمیری و منداڵە دوو ساڵانەکەیدا ناوە.

ڕێکخراوی مافی مرۆڤی هەنگاو بڵاویکردەوە" پیاوێک کە پێشتر لە ڕووداوێکی هاتووچۆی ساختە و گێرانەوەی چیرۆکی درۆ، دوو منداڵی تەمەن حەوت مانگ و دوو ساڵان و هەروەها هاوسەرە تەمەن ٣٦ ساڵانەکەی بە ناوی بەیان ئەمیری کوشتبوو، لە ڕۆژانی ڕابردوودا، دانی بە تاوانەکەیدا ناوە". 

دەشڵێت" فەرشاد ئەزکات، بەشێوەی ئەنقەست هاوسەرە دوو گیانەکەی و منداڵە دوو ساڵانەکەی کە لە ناو ئۆتۆمبێلێکدا بوون لە سەرولێژییەکدا بۆ ناو بەنداوی داریان لە پاوە، بەردەداتەوە کە دەبێتە هۆی خنکان و کوژرانیان". 

ڕێکخراوی هەنگاو راشیگەیاندووە" دوای ئاشکرا بوونی کوژرانی بەیان ئەمیری و دوو منداڵەکەی، سەدری شەریفی، دایکی بەیان کە خەڵکی شارۆچکەی شاهۆ سەر بە شاری ڕوانسەرە، بە بیستنی ئەم هەواڵە تووشی جەڵتەی دڵ بووە و گیانی لەدەستداوە". 

ئەوەشی خستەڕوو، فەرشاد ئەزکات خەڵکی شاری مەریوان و دانیشتووی پاوە بووە و لە دوای دانپێدانانی کوشتنی هاوسەر و دوو منداڵەکەی لەلایەن پۆلیسەوە دەستگیرکراوە. 


PM:01:41:11/07/2024