لە ڕاپۆرتێکی ڕۆژنامەوانی فەرەنسادا وادەیەکی نوێی گەڕانەوەی کیلیان مباپێ، ئەستێرەی یانەی ڕیال مەدریدی ئیسپانی ئاشکرا کرا، ئەمەش دوای چاکبوونەوەی لە پێکانی ماسولکەکانی کە تووشی بوو.
ڕۆژنامەی لیکیپی فەرەنسی بڵاویکردەوە، مباپێ ئامادە دەبێت بۆ بەشداریکردن لە مەشق و یارییەکان کە لە ٢٠ی مانگی دەی داهاتوو دەستپێدەکات.
ئاماژەی بەوەشکرد، بەهۆی پێکانەوە، کیلیان لە کاتی یاری دێربی مەدریددا ڕووبەڕووی ئەنتوان گریزمانی هاوڕێی هەڵبژاردەی فەرەنسی دەبێتەوە، هەروەها چاوی بە ئیتان مباپی برا بچووکەکەی دەکەوێت لەکاتی یارییەکەی ڕیال مەدرید بەرامبەر لیل لە قۆناغی دووەمی چامپیۆنزلیگ.
بەگوێرەی ڕۆژنامەی لیکیپ ، لە یارییەکانی نێوان ڤیاڕیال و سێلتاڤیگۆش لە پاڵەوانێتی خولەکەدا بەشداری ناکات، هەروەها ئامادە دەبێت بۆ ڕووبەڕووبوونەوەی بروسیا دۆرتمۆند لە 22ی ئۆکتۆبەر لە قۆناغی سێیەمی چامپیۆنزلیگ.
ئێوارەی سێشەممە لە یاریی ڕیال مەدرید بەرامبەر دیپۆرتیڤۆ ئالاڤێس کە بە ئەنجامی 3-2 لە خولی ئیسپانی کۆتایی هات، مباپێ لە ماسولکەکانی رانی تووشی پێکان بوو.