ئەمڕۆ لە بازاڕەکانی جیهاندا نرخی نه‌وت بە هەردوو جۆرەکەیەوە سەرلەنوێ بەشێوەیەکی بەرچاو ڕووی لە دابەزین کرد.
ئەمڕۆ سێشەممە ١ی تشرینی یەکەمی ٢٠٢٤ نرخی یەک بەرمیل نەوتی خاوی برێنت بە بڕی ١ دۆلار و ٥٩ سەنت دابەزی کە دەکاتە (٢.٢٠%) بۆ هەر بەرمیلێک و لە ئێستاشدا بە ٧٠ دۆلار و ٢٢ سەنت مامەڵەی پێوەدەکرێت، بەڵام لە کاتی داخستنی بازاڕدا بە ٧١ دۆلار ٧ سەنت بوو.
هاوکات نرخی نەوتی خاوی ڕۆژئاوای تەکساسی ئەمریکا بە بڕی ١ دۆلار و ٦٦ سەنت دابەزی کە دەکاتە (٢.٢٢%) و گەیشتە ٦٦ دۆلار و ٥٩ سەنت، لە کاتێکدا لە کاتی داخستنی بازاڕدا بە ٦٨ دۆلار و ١٧ سەنت بوو.
تەشەنەکردنی گرژییەکانی رۆژهەڵاتی ناوەڕاست و بەرزی رێژەی نەوتی کۆگاکراوی ئەمەریکا بە یەکێک لە هۆکارە سەرەکییەکانی گۆڕانکارییەکانن لە نرخی نەوتدا.