ئەمڕۆ لە بازاڕەکانی جیهاندا نرخی نه‌وت بە هەردوو جۆرەکەیەوە سەرلەنوێ بەرزبوونەوەی بەخۆیەوە بینی، ئەمەش لە کاتێکدایە کە ترسی ئەوە هەیە ململانێی ڕۆژهەڵاتی ناوەڕاست بگۆڕێت بۆ شەڕێکی فراوانتر.
ئەمڕۆ چوارشەممە ٢ی تشرینی یەکەمی ٢٠٢٤ نرخی یەک بەرمیل نەوتی خاوی برێنت بە بڕی ١ دۆلار و ١٠ سەنت بەرزبوەوە کە دەکاتە (١.٥٠%) بۆ هەر بەرمیلێک و لە ئێستاشدا بە ٧٤ دۆلار و ٦٦ سەنت مامەڵەی پێوەدەکرێت، بەڵام لە کاتی داخستنی بازاڕدا بە ٧٣ دۆلار ٥٦ سەنت بوو.
هاوکات نرخی نەوتی خاوی ڕۆژئاوای تەکساسی ئەمریکا بە بڕی ١ دۆلار و ٢٢ سەنت بەرزبوەوە کە دەکاتە (١.٧٦%) و گەیشتە ٧١ دۆلار و ٨ سەنت، لە کاتێکدا لە کاتی داخستنی بازاڕدا بە ٦٩ دۆلار و ٨٣ سەنت بوو.
تەشەنەکردنی گرژییەکانی رۆژهەڵاتی ناوەڕاست و بەرزی رێژەی نەوتی کۆگاکراوی ئەمەریکا بە یەکێک لە هۆکارە سەرەکییەکانی گۆڕانکارییەکانن لە نرخی نەوتدا.