لەکاتی هێرشی هێزی پێشمەرگەدا لە ناوچەی شەنگال ١٤ ئافرەتی هاوسەری سەرکردەکانی داعش دەکەونە دەست هێزی پێسمەرگە.
چالاکوانی ئێزیدی سەعد حەمۆ بە کەناڵی روسیای راگەیاند " ئەو ژنانەیان لەگەڵ چوار منداڵدا گرتووە کە کاتێک پێشمەرگە نزیک بوونەتەوە لە چواردەوری شەنگال، مێردەکانیان لەشەرەکەدا کوژراون و ئافرەتەکان و مناڵەکانیان دەست پێشمەرگە کەوتوون".
ناوبراو باسی لەوە کردووە کە ژنەکان زۆربەیان عێراقین وتی" رەوشتی ئێمە رێز بۆ ئافرەت دادەنەێت و هیچ تۆڵەیەکیان لێ ناکەینەوە و ئازاریان نادەین، وەک ئەوان کە بەئافرەتەکانی ئێمەو عێراقییەکانیان کرد".
دوو رۆژە هێزی پێشمەرگەو شەرڤانان ناوچەیەکی زۆریان رزگارکردووەو چونەتە ناو شاری شەنگالەوە.