فواد حسێن سەرۆكی دیوانی سەرۆكایەتی هەرێمی كوردستان رایگەیاند، دەستەیەك بۆ جێبەجێكردنی بڕیارەكانی مەسعود بارزانی پێكدەهێنرێت.

لە بەیاننامەیەكدا فواد حسێن باسی لەوەكردووە، لیژنەكە لە كەسانی شارەزاو پسپۆڕ پێكدەهێندرێت.

دەقی بەیاننامەكە:

لەدوای ئەوەی ڕۆژی چوارشەممە 10ـی 1ـی 2016 بەڕێز مەسعود بارزانی سەرۆكی هەرێمی كوردستان لەبارەی پڕۆسەی چاكسازی ڕیشەیی و بەمەبەستی زیاتر ڕێكخستنەوەی كاروباری حكوومەتی هەرێمی كوردستان و چارەسەركردنی كەموكوڕییەكان لەناو دامەزراوەكانی حكوومەتی هەرێم و شوێنەكانی تر كۆمەڵە بڕیارێكی تایبەتی دەركرد، لەپێناو جێبەجێكردنی ئەو بڕیارانەی سەرۆك بارزانی ئێستا كار لەسەر دامەزراندنی دەستەیەكی تایبەت دەكرێت كە لە كەسانی پسپۆڕ و شارەزا پێكدەهێنرێت بۆ ئەوەی بڕیارەكان جێبەجێ بكرێن و بەدواداچوونیشان بۆ بكرێت.

د. فواد حوسێن
سەرۆكی دیوانی سەرۆكایەتیی هەرێم
11ـی 2ـی 2016