بەپێی نوسراوێكی وەزارەتی كارەبای حكومەتی هەرێمی كوردستان كارەبای وێستگەی بازیان دەفرۆشێت بە حكومەتی ناوەندی و حكومەتی ناوەندیش خۆی گازوایل بۆ بەگەڕخستنی دابین دەكات.
سەرۆكی لیژنەی نەوت و وزەی ئەنجومەنی پارێزگای سلێمانی بە ئاماژە كردن بە نوسراوەكەی وەزارەتی كارەبا نوسیویەتی"بەپێی ئەم نوسراوە هاوڵاتیانی هەرێمی كوردستان زەرەمەندی سیاسەتی حزبیانەی وەزارەتی كارەبا و سامانەسروشتیەكانن كە خۆی دەبینێتەوە لە یەك كەس ، كە پێنج ملیون خەڵكی ئەم هەرێمەیان كردووە بە قوربانی دوو كۆمپانیا بەناوی ( قەیوان ، كار )".
بەپێی نوسراوەكە كە بە ژمارە (83) لە رێكەوتی (11/7/2017 ) دەرچووە و بە پاڵپشتی نوسراوی ژمارە 182 لە رێكەوتی 9/7/2017 دەرچووە بە فەرمانی ئاشتی هەوارومی كە وەزیری كارەبایە بە وەكالەت ، ئەم نوسراوە باس لە بەگەڕ خستنی وێستگەی بازیان دەكات ، بۆ بەرهەمهێنانی كارەبا بە گازوایل و لە رێگەی وێستگەی 400 كی ڤی هەرێمی كوردستان رەوانی عێراق بكرێت.
غالب محەمەد لە نوسینێكدا كە ئاماژەی بەوەداوە فرۆشتنی كارەبا بە حكومەتی ناوەندی كاریگەری خراپی دەبێت، بەم شێوەی لای خوارەوە:
1. ئەم وێستگەی بەرهەم هێنانی كارەبا كە كارەبا بەهەم دێنێت بە سووتەمەنی گازوایل ( گاز ) كە ئەمیش وای كردووە لە ماوەی دوو رۆژە گاز دوو سەد دولار لە یەك تەن زیاد بكات ،كاریگەری خراپی هەیە لە سەر مولیدە ئەهلیەكانی خۆمان كە دەلێن لە ئەم مانگەدا ئەمپێرێك 4 هەزار دینار زیاد دەكات.
2. بە هۆی گرانبوونی گاز وایل ، شتومەكیش گران دەبێت چونكە شتوومەك بە ئۆتۆمبیلی بار هەڵگر دەگوازێتەوە كە گازوایل گرانبێت نرخی گۆاستنەوەكەی گران دەبێت .
3. ئەم كارەبایە كە بۆ عێراق رەوانە دەگرێت لە رێگەی ویستگەی 400 كی چی هەرێمی كوردستان كە ئەم ویستگەیە موڵكی حكومەتی هەرێمە بەڵام دەخرێتە خزمەتی قەیوان ، دەتوانین بەڵێن ماڵی گشتی دەخرێتە خزمەتی كۆمپانیاكە یا دوو كۆمپانیا بێ ئەوەی هاوڵاتیانی هەرێم هیچ سوودمەند بن .
4. وەك دەزانین خۆمان كێشەیەكی گەورەی كارەبامان هەیە ، بەڵام بە ویستگەكان كە درووست كراون كارەبا بە هاوڵاتیانی هەرێم بدەن كە چی كارەبا بۆ عێراق دابین دەكەن و دەبێتە هۆكاری گرانبوونی كارەبای ئەمپێریش ( كارەبای مولیدە ئەهلیەكان ).
5. هەموو بەرهەمی گازوایلی ( پاڵاوگەی بازیان و كەڵەك ) دەخەنە خزمەتی پرۆژەكەی خۆیان كە بەرهەم هێنانی كارەبایە بۆ عێراق ، بەمەیش گازوایل لە ناو بازارەكانی هەریمی كوردستانن نەماوە و بە ئاسان دەست ناكەوێت.
فرۆشتنی كارەبا لەلایەن حكومەتی هەرێم و كۆمپانیاكانی نزیك لە حزبەكان لەكاتێكدایە كە هاوڵاتیانی هەرێمی كوردستان كارەبای پێویستیان بۆ دابین نەكراوە و چەندین جاریش خۆپیشاندان دژی خراپی دۆخی کارەبا لە ناوچە جیاوازەکانی هەرێم ئەنجامدراوە.