لە ناوچەی سیدەکان لە باشووری کوردستان لە دژی سەربازانی سوپای تورکیای گەریلاکانی پەکەکە چالاکیەکیان ئەنجامدا و بەو هۆیەوە چەندین سەربازی سوپای تورکیا کوژران و برینداربوون.
ئاژانسی فراتنیوز، بڵاویکردەوە "سەرچاوە هەرێمییەکان بڵاویانکردەوە، چالاکی لە دژی ئەو سەربازانەی سوپای تورکیا، کە لە ناوچەی سیدەکان لە باشووری کوردستان بەردەوامن لە ئەنجامدانی ئۆپراسیۆن و هێرشەکانیان، ئەنجامدار".
هەروەها هاتووە " ئاماژە بەوەکراوە، دوێنێ و لە کاتی تێپەڕبوونی سەربازانی سوپای تورکیای داگیرکەردا لە ناوچەی سیدەکان، ئەو تەقەمەنیانەی لەلایەن گەریلاکانی پەکەکەوە دانرابوون، پیایاندا تەقییەوە و بەو هۆیەوە چەندین سەرباز کوژران و برینداربوون".
ئاژانسەکە ئاماژە بۆ ئەوە دەکات " دوێنێ لە گردی عەلی رەش لەناوچەی گەڤەر لە دژی سەربازانی سوپای تورکیای داگیرکەر چالاکییەکی تر ئەنجامدرا و بەو هۆیەوە چەندین سەربازی دوژمن کوژران و برینداربوون".
چاوەڕێ دەکرێت ناوەندی ڕاگەیاندن و چاپەمەنیی هێزەکانی پاراستنی گەل (هەپەگە) ئەمڕۆ لە بارەی ئەو چالاکییانەوە ڕاگەیاندراو و زانیاری ورد بڵاو بکاتەوە.