پاشنیوەڕۆی ئەمڕۆ بەلەمێکی گەشتیاری لە غاباتی موسڵ لەسەر روباری دیجلە بە زیاتر لە ١٠٠ سەرنشینەوە نقوم بوو.
بەپێی زانیارییە سەرەتاییەکان زیاتر لە ٦۰ کەس گیانیان لەدەستداوە و ھاوکات گەڕان و دەرھێنانی ئەو ھاوڵاتیانەی لەناو ئاوەکەدا ماون بەردەوامە.
عەلا عەلوان وەزیری تەندروستی عێراق ڕایگەیاند "داوامان لە وەزارەتی تەندروستی حکومەتی هەرێمی کوردستان کردووە کە چی پێویست دەکات بۆ برینداران بەهاناوەچوونیان درێغی نەکەن".