بڕیارە رۆژی پێنج شەممە 29ی ئابی 2019 ئەنجومەنی سەركردایەتی یەكێتی كۆبوونەوەی ئاسایی خۆی ئەنجامبدات.
لەتیف شێخ عومەر، وتەبێژی یەكێتیی نیشتمانیی كوردستان بە میدیای فەرمی حزبەكەی راگەیاند: بڕیارە رۆژی پێنجشەممە ئەنجومەنی سەركردایەتی كۆبوونەوەی خۆی ئەنجامبدات و تێیدا هەموو ئەو پرسانە تاوتوێ بكات كە بۆ ئێستای ناوخۆی یەكێتی و هەرێمی كوردستان گرنگیی هەیە.
لەبارەی ئەوەی كە گوایە یەكێتی و پارتی لەهەفتەی داهاتوودا كۆدەبنەوە، وتەبێژی یەكێتی وتی، "ئەو زانیارییە بەناوی منەوە لەچەند دەزگایەكی راگەیاندن بڵاوكراوەتەوە، بەڵام راست نیە و ئەو هەواڵە دوورە لەراستییەوە".