بازیان.. دوو کرێکار گیان لەدەستدەدەن

‌

ئه‌مڕۆ یه‌كشه‌ممه‌ ٢٠ی تشرینی یەکەم وتەبێژی ڕێکخراوەکانی بازیان بە "سپی" ڕاگەیاند" دوو كرێكار له‌ بازیان له‌كاتی كاركردن كه‌وتنه‌ خواره‌وه‌ و گیانیان له‌ده‌ستدا".


مەلا ستار، وتەبێژی ئەنجومەنی رێکخراوەکانی بازیان بە ماڵپەڕی "سپی" ڕادەگەیەنێت: ئەمڕۆ لەکاتی كاركردندا چوار كرێكار له‌ سه‌ر به‌رزكه‌ره‌وه‌یه‌ك له‌ كۆمپانیای رۆیاڵ كه‌ تایبه‌ته‌ به‌ دوستكردنی قوتووی كانزایی ده‌كه‌ونه‌ خواره‌وه‌ و دووان له‌ كرێكاره‌كان گیان له‌ده‌ستده‌ده‌ن و دوو كرێكاره‌كه‌ی دیكه‌ش باری ته‌ندروستییان ناجێگیره".


‌وتەبێژی ئەنجومەنی رێکخراوەکانی بازیان ئەوەشی خستەڕوو: دلێر حەمە سەعید کەریم، لە ساڵی ١٩٨١ لەدایکبووە و یادگار محەمەد عەلی، لەساڵی ٢٠٠٢ لەدایکبووە، کە له‌كاتی كاركردندا كه‌وتنه‌ خواره‌وه‌و گیانیان له‌ده‌ستدا. 


هاوکات مەلا ستار ئاماژەی بەوەشکرد"  ته‌رمی دوو كرێكاره‌ كورده‌كه‌ ره‌وانه‌ی پزیشكی داد له‌ سلێمانی كراون و لێكۆڵینه‌وه‌ له‌ رووداوه‌كه‌ ده‌ستیپێكردوه‌". 
 


PM:02:04:20/10/2019








ئەستێرەکان

Spee Media