ئەمڕۆ سێشەممە كچە رۆژنامەنوسێكی كورد لە شاری ئەنقەرەی پایتەختی توركیا دەستگیركرا.

بەپێی زانیاریەكان، ئەمڕۆ سێشەممە هێزە ئەمنییەكانی ئەنقەرە هەڵیانكوتاوەتە سەر ماڵی "بێریڤان ئاڵتان" پەیامنێری ئاژانسی میزۆپۆتامیا و دەستگیریان كردووە.

میدیاكانی توركیا ئاماژەیان بەوەكردووە "ئەو رۆژنامەنوسە كوردە لەسەر داوای دادگا دەستگیركراوە، بە تۆمەتی پڕوپاگەندەكردن بۆ پارتی كرێكارانی كوردستان".