سەدر: دەبێت ئاشتیخوازەکان و تێکدەرەکان لەیەک جیا بکرێنەوە

‌
لە نوێترین لێدوانیدا، موقتەدا سەدر سەرۆکی رەوتی سەدر رایگەیاند" دەبێت" خۆپیشاندەری ئاشتیخواز و تێکدەر لەیەک جیابکرێنەوە"، هەروەها داوا دەکات حەشدی شەعبی تێوەنەگلێنرێت لە رووبەرووبوونەوە دژی خۆپیشاندەران.


لە نوێترین لێدوانیدا موقتەدا سەدر لەسەر خۆپیشاندانەکانی ئەمڕۆ، کەمێک لەمەوبەر لە تویتەر لە پۆستێکدا رایگەیاند" دەبێت پەلە بکرێت لە دەستنیشانکردنی سەرۆک وەزیرانی نوێ و، پاڵێوراوێک کە مشتومڕی لەسەر نەبێت".




سەدر لە تویتەر لە پۆستێکدا نەیشاردەوە کە رێز لە بڕیاری بەرفروانکردن و هەڵکشانی خۆپیشاندەران دەگرێت و دەڵێت" هیوادارم بەردەوام بن لەسەر رێبازی ئاشتیانەیان و زەرەر نەگەیەنن بە ئاسایشی گەل و وڵات بەرەو شەڕی ناوخۆی وێنرانکەر نەبرێت".


هەروەها وتوویەتی " رێز لە بڕیاری حکومەت دەگرم کە رووبەڕووی تێکدەران  و ئاژاوەچیەکان دەبێتەوە، بەڵام دەبێت ئاشتیخواز و تێکدەر لەیەک جیابکرێنەوە، پێویستیشە حەشدی شەعبی نە گلێنرێت لە رووبەرووبوونەوەی خۆپیشاندراندا، کە خراپە بۆ ناوبانگیان".
 


PM:08:57:19/01/2020








ئەستێرەکان

Spee Media