کۆنترۆڵی کارەبای هەرێم رایگەیاند "کاتژمێر ۸:۳٠ ی ئەمشەو بەهۆی کەوتنەوەی ئاگرێک لە وێستگەی غازی کۆرمۆر بووە هۆی کوژانەوەی بەشێکی وێستگەکە و کەبوونەوەی نزیکەی (۱۷٠) مقمق هەناردەی غاز و بەوەش نزیکە ۸٠٠ مێگاوات کارەبا کەمیکرد".
ئومێد محمەد بەڕێوەبەری کۆنترۆڵی کارەبای هەرێم رایگەیاند "تیمەکانی کۆنترۆڵی کارەبای وەزارەت و بەڕێوەبەرایەتی گشت بەرهەمهێنان و بە هەماهەنگی لەگەڵ وەزارەتی سامانە سروشتیەکان توانرا بارودۆخەکە کۆنترۆڵ بکرێت و نەهێڵدرێت کوژاندنەوەی گشتی کارەبا روبدات".
وتیشی" ئاگرەکە کۆنترۆڵکراوە و دۆخەکە بەرەو ئاسایی بوونەوە دەچێت و چاوەڕوانی بەرزبوونەوەی بەستانی غازین تا تا ئاستی بەرهەمێنانی کارەبا ئاسایی بێتەوە".
ئەوە لە کاتێکدایە کە سێ رۆژە لەبەر کێشەی گواستنەوەی غازی شل لە نێوان دوو کۆمپانیای یەکێتی و پارتی غاز لە بازاڕەکاندا کەمبۆتەوەو نرخی بەشێوەیەکی خەیاڵی بەرزبۆتەوە.