گەنجێکی تەمەن ٣٠ ساڵ لە سلێمانی لە باڵاخانەیەكەوە خۆی فڕێ داوەتە خوارەوە و کۆتایی بەژیانی خۆی دەهێنێت.
لە لێدوانێکی تایبەتدا بۆ ماڵپەڕی " سپی "، نەقیب سەركەوت ئەحمەد، وتەبێژی بەڕێەوەرایەتیی پۆلیسی سلێمانی، رایگەیاند "ئەمڕۆ لەسەر بانی باڵاخانەیەكی پرۆژەی دایك لە سلێمانی، گەنجێك کە تەمەنی ٣٠ ساڵ خۆی فڕێ داوەتە خوارەوە و بەو هۆیەوە گیانی لەدەست داوە."
لە درێژەی لێدوانەکەیدا وتیشی " پیشەیئ ئەو گەنجە كڕێن و فرۆشتنی ئۆتۆمبێل بووە."
سەرکەوت ئەحمەد ئەوەش دەخاتەڕوو کە هۆكاری خۆكوشتنەكەی نادیارە و پۆلیس دەستی بە لێكۆڵینەوە لە رووداوەکە كردووە.
هەر ئەم بەیانییەش دایکێک لە دهۆک مناڵە کۆرپە چوار مانگەکەی خۆی کووشت و پۆلیس دەستگیری کرد.