ولێ  ئەوەی جێی سەرسوڕمانە،ئەم برادەرانە،خۆیان لەبێ توانایی دابینکردنی مووچەی ئەو چەند هەزار پێشمەرگەیە دەردەبڕن، کەزیاتر لەدوومانگە بێ بەشکراون لــە پێدانی مووچەکانیان،کەچی  مانگی شەشیان کردۆتە مانگی هەنگوینی پرۆژە و بناغەدانانی پرۆژە، ئاخر بۆ عەجیب نەبێت و پێنەکەنین،کەتەنها لەماوەی هەفتەی یەکەمی سەرەتای مانگی شەش،ڕەزامەندی و بڕیار لەسەرخەرجکردنی بڕی (137403984515) سەدو سی و حەوت ملیار و چوارسەدو سێ ملیۆن و نۆسەدو هەشتاو چوار هەزار و پێنج سەدو پازدە دینار،دراوە و لەسەر لەوحەی بەردی بناغەکان تەنها سێ  پرۆژە بۆ سنوری هەولێر و دهۆک و سۆران نوسراوە! کەچی هەمان کابینەی مەسروربارزانی وقوباد تاڵەبانی خۆیان لە قەرەی ئەو گوژمە کەمە تەرخانکراوەی پرۆژەی ئاوی گۆپتەپە -چەمچەماڵ نادەن و گوێیان هاواری پایتەختی شەهیدان نابیستێت!

ئاخر کێ دەتوانێت ئەم گاڵتە جاڕییەی بەردی بناغە دانانەی دەستان داوەتێ،لەبیر بکات و بەهەمان دەردی پرۆژەی ڕاکێشانی ئاوی گۆپتەپە -چەمچەماڵ نەچێت؟ بێگومان ئیوەیەک کەنەتوانن بەسەدان پرۆژەی کۆن و تەواو نەکراوەکانی  دەیان ساڵ لەمەوبەرتان تەواو بکەن و مووچەی وەزارەتێکتان پێنەدرێت،ئێستا لەکوێ جورئەت دەکەن،پارە بۆ ئەو پرۆژانە تەرخان بکەن،کە هەموو ڕۆژ خەبەرتان دەبێتەوە،دەکەونە بەردی بناغەدانان و بەدڵی خۆتان ڕەقەمی دینار لێدەدەن؟ وەلێ ئا ئەمەی ئێوە دەیکەن جگە لەشپرزەییەک کە نزیک بونەوەی هەڵبژاردن پێتان دەکات و وەک ڕێکلامێک بەکاری دێنن هیچی تر نیەو ناتوانن متمانە بەدەست بێننەوە کە سی و دوو ساڵە بەرامبەر خەڵکی کوردستان خەریکی لەدەستدانین!