هەفتەیەکە، هەر هەواڵی کوشتنەوە ماڵپەڕو پەیجەکانی تەنییوە..
دەمەقاڵێ دوو دراوسێ، تازەبووکێک خەڵتانی خوێنکرا، ژنە مامۆستایەکی زانکۆ بەرچەقۆ درا.. تاد
ئەم کوشتو کوشتارە بۆچی؟!
کێشەکان هێندە قووڵن یەکتر بکوژین؟!
دۆخی دەروونی و گیرفانی بەتاڵی خەڵک و مووچەخۆر وایکردووە؟!
پەروەردەی ناتەندروستە مرۆڤ کوژی بەرهەمهێناوە؟!
پیاوانی ئایینی و وتارە ئاگرینەکانیانە خەڵکیان خستۆتە بەردەم بژاردەی تۆڵەی شەرعی و هەق بەدەستی خۆ سەندن ؟!
حکومەتی پۆلیسیی و بەسەربازکردنی کۆمەڵگا و بەسەربازگەکردنی شارەکان، شیرازەی تێک ئاڵۆزکاندووەو عەنتەرو مەنتەری هێناوەتە مەیان؟!
ڕۆڵی نابەرپرسیارانەی ڕاگەیاندنەکان و پەیامنێرو گەڕۆکەکانیانە کەلەشانۆی تاوانەکانەوە لایڤ ئەکەنەوەو ڕاستەوخۆ ئەوەی ناوترێ و ئەوترێ، ئەیکەن بەئاشتی مێشک و ئەندێشەی ماندووی تاکەکاندا ؟!
یان یاساو پۆلیس و پارێزگاری شار غائیبن؟!
گەلۆ.. تەواو تێک ترشاوین!
بە دەستووری سلێمانی؛
خوم شێواوە!
وا نابێت.. تکایە کارەساتە!
دایکان و باوکان و مامۆستا و مزگەوت و ڕۆژنامەنووسان و توێژەران و پیاوماقوڵان و ژنانی مەجلیس، ئەرکەو، وەرنە سەرخەت.. کار بکەن بۆ کەمکردنەوەی هستریای توڕەیی و نەشئەی پارەو هێزو چەک و پلەو پایەو توندڕەویی و گرژی نێوان تاکەکان وخێزانەکان ..
ئێستە ، بایی یەک عانە بەم سیستم و دەسەڵاتە متمانەم نەماوە..
"دەوڵەتداری" ئەوە نیە بچیت بریندارەکان بگەیەنیتە نەخۆشخانەی فریاکەوتن..!
یان تەرمەکان کۆبکەیتەوە وبیانگەیەنیتە پزیشکی دادو پەڕاوی لێکۆڵینەوەیان بۆ ڕێکبخەیت!
دەوڵەتداریی ئەوەیە هۆکارەکانی تاوان و گرژیی پەی پێ پبەیت..
کاری وورد و هەمەلایەنە بۆ کەمکردنەوەیان بکەیت..
بەهیوای ئارامییم بۆ هەمووان.