(لەکوردستان نەیاسا سەروەرە ونەدادگا سەربەخۆیەو نەهاوڵاتیان بەرامبەر یاسا یەکسانن)
د رەفیق سابیر پەرلەمانتاری خولی سێ یەمی پەرلەمان.
ئەو سێ تایتڵە پێداویستی وڵاتێکن یاسا لەسەروی هەموانەوە بێت،لەپەراوێزی گرتنی کاک شاسوار عبدالواحد ئەڵێین:
١/ئەسڵ ئەوەیە هەموو کەسێک بەدەم بانگهێشتی دادگاوە بڕوات ولەبەردەم دادگا ئامادەبێت،هیچ پاساوێک نیە بۆ خۆدزینەوە لەدادگا لەهەر پۆست وپێگەیەکی حکومی وحزبی وکۆمەڵایەتیدا بێت.
٢/ئەوە سەرکردەو کادیرانی دەسەڵاتن پێش خەڵکی تر لەهەردوو زۆن کەداواکراون ناچنە بەردەم دادگا وهەرلایەیان دادگای زۆنەکەی دی بەبێلایەن نازانن.
٣/ئایا سەدان داواکراو بەتایبەت ئەوانەی بەرپرسی سەربازی وئەمنی بون هەمان ڕێکاریان لەدژ گیراوەتە بەر،یاخود هەندێک داڵدە دراون یاخود سەنگەریان گواستۆتەوە.
٤/دەبێت وەڵامی ئەو پرسیارەش بدرێتەوە کە تاوانێک لەجۆری کەتن بۆشەش ساڵ دەخایەنێت ولەم کاتەدا دێتەوە پێش کەنزیک دەبینەوە لەهەڵبژاردن.
٥/لەڕابردودا چەندین سەرکردەی پارتە سیاسیەکان لەدادگاکان داوایان لەسەر تۆمارکرا وبگرە بڕیاڕی دادگاش دەرچوە وەک کاک نەوشیروان وکاک کۆسرەت ومامۆستا سەڵاحەدین بەهائەدین دەرکەوت کەپاڵنەری سیاسی لەپشتەوە بوە.