بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ پلەکانی گەرما دادەبەزن و خێرای باش زیاد دەکات".
بەپێی پێشبینییەکانی کەشناسی هەرێم، ئەمڕۆ چوارشەممە ئاسمان ساماڵ و پەڵە هەور دەبێت، هاوکات پلەکانی گەرماش بەجێگیری دەمێننەوە، خێرای باش (١٠ - ٢٠)کم دەبێت بە ئاڕاستەی باکوری خۆرئاوا و مەودای بینین (٨ - ٩)کم دەبێت.
ئەوەشی خستەڕوو، سبەینێ پێنج شەممە ئاسمان ساماڵ دەبێت و لە هەندێ ناوچەش پەڵە هەور دەبێت، لەگەڵ زیادبوونی خێرای با بۆسەرووی (٢٠)کم، هەروەها پلەکانی گەرما (٢ تا ٣) پلە دادەبەزن، خێرای باش (٢٠ - ٣٠)کم دەبێت، مەودای بینین (٩ - ١٠)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٤٠
سلێمانی: ٤٠
دهۆک: ٤٠
زاخۆ: ٤٢
هەڵەبجە: ٤٢
کەرکوک: ٤٣
سۆران: ٤٠
حاجی ئۆمەران: ٣٠
گەرمیان: ٤٥