کەمێک پێش ئێستا بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەی پلەکانی گەرما دادەبەزن".
بەپێی پێشبینییەکانی کەشناسی هەرێم، ئەمڕۆ یەکشەممە ئاسمان ساماڵ و نیمچە هەور دەبێت، هاوکات پلەکانی گەرما کەمێک دادەبەزن، خێرای باش (١٥ - ٢٥)کم دەبێت بە ئاڕاستەی باکوری خۆرئاوا و مەودای بینین (٨ - ١٠)کم دەبێت.
ئەوەشی خستەڕوو، سبەینێ دووشەممە ئاسمان ساماڵ و پەڵە هەور دەبێت، هەروەها پلەکانی گەرما (١ تا ٢) پلە دادەبەزن، خێرای باش (١٠ - ٢٠)کم دەبێت، مەودای بینین (٨ - ١٠)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٤١
سلێمانی: ٣٩
دهۆک: ٣٩
زاخۆ: ٤١
هەڵەبجە: ٤١
کەرکوک: ٤٣
سۆران: ٣٩
حاجی ئۆمەران: ٣٠
گەرمیان: ٤٥