پێشنیوەڕۆی ئەمڕۆ سێشەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ ئاسمان ساماڵ و پەڵەهەور دەبێت، پلەکانی گەرماش زیاتر دادەبەزن".
بەپێی پێشبینییەکانی کەشناسی هەرێم، ئەمڕۆ ئاسمان بەگشتی ساماڵ دەبێت، هاوکات پلەکانی گەرما دادەبەزن بەراورد بە تۆمارکراوەکانی دوێنێ، خێرای باش (١٠ - ٢٠)کم دەبێت بە ئاڕاستەی باکوری خۆرئاوا و مەودای بینین (٨ - ٩)کم دەبێت.
ئەوەشی خستەڕوو، سبەینێ چوارشەممە ئاسمان ساماڵ و پەڵەهەور دەبێت، لەگەڵ بوونى تۆزێکى سووک لە ناوچەکانى باشوورى هەرێم، هەروەها پلەکانی گەرما بەراورد بە تۆمارکراوەکانی ئەمڕۆ یەک پلە دادەبەزن، خێرای باش (١٠ - ٢٠)کم دەبێت، مەودای بینین (٧ - ٩)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٥
سلێمانی: ٣٥
دهۆک: ٣٥
زاخۆ: ٣٦
هەڵەبجە: ٣٦
کەرکوک: ٣٨
سۆران: ٣٣
حاجی ئۆمەران: ٢٦
گەرمیان: ٣٩