دەستەی کەشناسیی عێراق پێشبینی دەکات لە هەفتەی داهاتوودا پلەکانی گەرما بەشێوەیەکی بەرچاو دابەزێت لە ٤ پلەوە تا ٦ پلەی سیلیزی.
دەستەی کەشناسی عێراق لە رایگەیاندراوێکدا ئاماژە بەوە دەکات، سبەینێ شەممە پلەکانی گەرما هاوشێوەی ئەمڕۆ دەبێت و بەرزترین پلەی گەرما لە پارێزگای میسان دەبێت کە ٤٦ پلەی سلیزییە و نزمترین پلەی گەرما لە پارێزگای دهۆک دەبێت کە ٣٨ پلەی سلیزییە.
لە راگەیەندراوەکە ئاماژە بەوە کراوە، پلەکانی گەرما رۆژانی یەکشەممە و دووشەممە و سێشەممە بەگشتی نزیک دەبێت لەو پلانەی کە ئاماژەی پێکراوە و بەگشتی پلەکانی گەرما بەردەوامدەبن لە نزمبوونەوە.
بەپێی پێشبینییەکان کۆتایی هەفتە بە شێوەیەکی گشتی لەسەرتاسەری عێراق بە هەرێمی کوردستانیشەوە کەشوهەوا فێنک دەبێت.