تەندروستی هەولێر داخستنی چوار كارگەی بەهۆی پابەندنەبوونیان بە ڕێنماییە تەندروستییەکان راگەیاند. 

بەڕێوەبەرایەتی کاروباری پاراستنی تەندروستی هەولێر ئەمڕۆ یەکشەممە لە ڕاگەیەندراوێکدا ئاشکرایکرد، بەشی چاودێری تەندروستی و تیمەکانی چاودێری تەندروستی هەڵسان بە ئەنجامی هەڵمەتیکی گەڕان و پشکنین لە سنوری ناحیەی خەبات، دوای گەڕان و بەدواداچوون چوارکارگەی چبس داخران کە پابەندی ڕێنمایێەکانی ‌پاراستنی تەندروستی نەبوون. 

ڕاشیگەیاندووە" تیمەکانی چاودێری تەندروستی لە گشت شوێنە گشتیەکان بە خشتەیەکی دیاریکراو ڕۆژانە سەردانی چێشتخانە و کارگە و سوپەرمارکێتەکان دەکەن لە ڕێگەی تیمەکان بۆ ئەنجامدانی گەڕان و پشکنین لە هەولێر و دەوروبەری".