فراکسیۆنی نەوەی نوێ لە پەرلەمانی کوردستان رایدەگەیەنێت" پشتگیری داواکاری دادوەران و تەواوی موچەخۆرانی ھەرێمی کوردستان دەکەین".
فراکسیۆنی نەوەی نوێ لە پەرلەمانی کوردستان راگەیەنراوێکی بڵاوکردەوە و تیایدا هاتووە، پشتگیری تەواو لە داواکاری دادوەران دەکەن بۆ کۆتاییھێنان بە لێبڕینی نایاسایی موچەی سەرجەم فەرمانبەران و سەربەخۆکردنی دامەزراوەی دەسەڵاتی دادوەری و قەدەغەکردنی دەستوەردانی حزبی لە کاروباری دادگاکان.
لەڕاگەیەندراوەکەدا ئەوەش هاتووە، لەئێستادا حکومەتی ھەرێم داھاتی تەواوی لەبەردەستە بۆ دابەشکردنی موچە بەتەواوی و بەبێ لێبڕین و ئەنجامدانی پرۆژەی خزمەتگوزاری و رەخساندنی ھەلی کار بۆ گەنجان، بۆیە ھەر جۆرە لێبڕینێکی مووچە نایاسایی و نائەخلاقیە و پێویستە کۆتایی پێبھێنرێت.
فراکسیۆنی نەوەی نوێ ئەوەشی خستووەتەڕوو، بەپێچەوانەوە پشتیوانی لە ھەموو جۆرە ھەڵوێستێکی مەدەنیانەی دادوەران و موچەخۆران دەکەین بۆ وەرگرتنی مافی خۆیان و کۆتاییھێنان بە ستەمی لێبڕینی موچە.