لە درانگانی شەوی ڕابردووەوە بۆ ماوەی ١٢ ڕۆژ قەدەغەی هاتوچۆی سەرتاسەری لە سەرجەم شارەکانی عێراق کەوتە بواری جێبەجێکردنەوە.
تەحسین خەفاجی وتەبێژی فەرماندەی گشتی ئۆپەراسیۆنە هاوبەشەکانی حکومەتی عێراق رایگەیاند" لە کاتژمێر ١٢:٠٠ی شەوی ڕابردوو بڕیاری قەدەغەی هاتوچۆی سەرتاسەری چۆتە بواری جێبەجێکردنەوە، لە سەرجەم شارەکانی عیراق، کەرکوک و ناوچە کوردستانییەکانی دیکەی دەرەوەی ئیدارەی هەرێمی کوردستان دادەخرێت.
بە وتەی وتەبێژی فەرماندەی ئۆپەراسیۆنە هاوبەشەکانی عێراق، قەدەغەی هاتوچۆ بۆ ماوەی ١٢ رۆژ دەبێت و لە شەوی ڕابردوەوە دەستیپێکردوە و شەوی ٢٢ی ئایار کۆتایی دێت.