بەڕێوەبەرایەتی دەروازەی نێودەوڵەتی حاجی ئۆمەران رایدەگەیەنێت" هەر هاوڵاتییەک بەنیازە لە رێگای دەروازی حاجی ئۆمەرانەوە سەردانی وڵاتی ئێران بکات، پێویستە بڕوانامەی پشکنینی کۆرۆنا ئەنجامی نێگەتیڤ یان پێبێت".
راگەیاندن و پەیوەندییەكانی دەروازەی نێودەوڵەتی حاجی ئۆمەران لە ڕاگەیەندراوێکدا ئاگاداریی هەموو هاوڵاتییان و گەشتیارانی هەرێمی كوردستان دەكاتەوە، ئەوانەی كە بە نیازن لە رێگەی دەروازەی نێودەوڵەتی حاجی ئۆمەرانەوە گەشت و سەردانی كۆماری ئیسلامی ئێران بكەن پێویستە بڕوانامەی پشكنینی كۆرۆنا (ئەنجامی نێگەتیف ) لەگەلیان دابێت. بە پێچەوانەوە هەر هاوڵاتی یان گەشتیارێك بڕوانامەی پشكنینی كۆرۆنای لەگەڵدا نەبێت دەوڵەتی ئێران رێگایان پێنادات سەردانی ئێران بكەن و دەگەڕێندرێنەوە.
لە ڕاگەیەندراوەکەدا ئەوەش هاتووە" بۆیە تاكو هاوڵاتییانی خۆشەویست تووشی گرفت و زەحمەتی رێگە نەبن، داوا لە هەموو گەشتیارە بەڕێزەكان دەكەین بەبێ هەبوونی بڕوانامەی پشكنینی كۆرۆنا بە مەبەستی چوون بۆ وڵاتی ئێران سەردانی دەروازەی نێودەولەتی حاجی ئۆمەران نەكەن، چونكە رێگایان پێنادرێت".