ئێوارەی ئەمڕۆ بە مەبەستی چاودێریكردنی ڕێككەوتن و هەوڵە ئەمنییەكان لەپێناو گەڕانەوەی ئاوارە ئێزدییەكان بۆ ناوچەكانیان سەرۆك وەزیرانی عێراق سەردانی شنگالی کرد.
مستەفا كازمی سەرۆک وەزیرانی عێراق ئەمڕۆ دووشەممە سەردانی گوندی كۆجۆی كرد و بە خەڵكی گوندەكەی ڕاگەیاند" ئێمە ئەمڕۆ لەناو ئێوەدا یادی ئەو تاوانەكانی داعش دەكەینەوە، هیچ شتێك ڕێگر نابێت لە بەردەم ئاوەدانكردنەوەی نیشتمان و ڕێزگرتن لە فرەڕەنگی سیاسی و نەتەوەیی و ئاینی لە وڵات".
ئاماژەی بەوەشکرد، هیچ كاتێك خوێنی عێراقی هەرزان نییە و دەوڵەت بەرگری لە ڕۆڵەكانی دەكات بە تایبەت ئێزدییەكان.