ئەنجومەنی ئاسایشی نێودەوڵەتی لەبارەی تەقینەوەكانی ئەفغانستان هەڵوێستی فەرمی خۆی ڕاگەیاند و دەڵێت" دەبێت ئەنجامدەرانی تەقینەوەکانی دوێنێی کابوڵی پایتەختی ئەفغانستان سزابدرێن".
ئەنجومەنی ئاسایشی نێودەوڵەتی لە ڕاگەیەنراوێكدا بڵاویکردەەوە، تەقینەوەكانی دوێنێی نزیك فڕۆكەخانەی كابوڵی پایتەختی ئەفغانستان ئیدانە دەكەین، بۆیە پێویستە ئەنجامدەران، پلانداڕێژەران و ئەوانەی پشتیوانی دارایی تەقینەوەكانی كابوڵ بوون سزابدرێن.
لە بەشێکی تری ڕاگەیەندراوەکەدا ئەنجومەنی ئاسایشی نێودەوڵەتی داوا دەكات، هەموو حكومەتەكان بەرپرسیاریەتی سەر شانیان جێبەجێ بكەن و پابەندی بڕیارەكانی ئەنجومەنی ئاسایش بن سەبارەت بە ڕووبەڕووبوونەوەی تیرۆر.