بەرەبەیانی ئەمڕۆ پێنجشەممە ٢ ی ئەیلول چەکدارانی داعش هێرشیان کردەسەر گوندی کوردنشینی شەحەل سەر بە ناحیەی سەرگەڕان لە سنوری کەرکوک و لە ئەنجامدا سەربازێکی سوپای عێراق کوژراوە و هاوڵاتەییەکی کورد رفێندراو ٦ کەسی دیکەش برینداربوون.
سەرچاوەیەکی ئەمنی پارێزگای کەرکوک راگەیاند" بەرەبەیانی ئەمڕۆ پێنج شەممە چەکدارانی داعش هێرشیانکردەسەر گوندی شەحەلی سەر بە ناحیەی سەرگەڕان و لەلایەن هاوڵاتیان و هێزە ئەمنییەکانەوە وەڵامی هێرشەکە دراوەتەوە".
ئەو ناوچەیە دەکەوێتە نێوان هێزە عێراقییەکان و هێزی پێشمەرگەوەو گوندێکی کوردنشینە.
لەو هێرشەدا کە لەلایەن خەڵک و هێزە ئەمنییەکانەوە شکێنراوە، لە هێرشەکەدا چەکدارانی داعش هاوڵاتییەکی کوردی تەمەن ٤٠ ساڵەیان رفاندووە کە خاوەنی ١٠ منداڵەو، یەکێک لە بریندارەکانیش دۆخیان خراپە.