لەمبارەیەوە تیپی مۆسیقای شاری سلێمانی لە پرسەنامەیەکدا کە ئاڕاستەی خانەوادەی ئەو هونەرمەندەیان کردووە دەڵێن" دڵگرانین بە کۆچی دوایی ھونەرمەند ( فوئاد محمد محمود ) ئەندامی دێرینی تیپی مۆسیقای سلێمانی، کە لە هەندەران کۆچی دوایی کرد، بەناوی تيپەکەمانەوە پرسە و سەرەخۆشی خۆمان لەبنەماڵە وخانەوادەکەیان دەکەین، ڕۆحی شاد بێت و ئارام بێت". 

فوئاد محمد محمود یەکێک بوو لە هونەرمەندە دێرین و ناسراوەکانی دیاری کورد، دەرچووی پیشەسازی بووەوە و پەیمانگای مامۆستایانیشی لە شاری هەولێر تەواوکردووە، ناوبراو یەكێك بوو لە دامەزرێنەرانی (تیپی مۆسیقای هەڵەبجە) و لە شاری سلێمانیش لەگەڵ تیپی مۆسیقای سلێمانی بەشداری چەندین چالاكی هونەری كردوە، لەدوای شەڕی ئێران و عێراق لەگەڵ چەند كەسێك ڕووی لە شاری هەڵەبجە کرد و لە ساڵی ١٩٨٢ش چۆتە ئیران و لەوێش ڕووی لە وڵاتی هەندەران و ئینگلتەرە و شاری لەندەن کردووە.