هاوكات پەیجی هێزەكانی ناوخۆی هەرێم لە ڕاگەیەندراوێکدا بڵاویكردەوە، دابەشكردنی مووچەی هێزەكانی ناوخۆ دواخراوە بۆ هەفتەی داهاتوو،
ئەمرۆ سێشەممە وەزارەتی دارایی و ئابوری حکومەتی هەرێمی كوردستان ڕایگەیاند" سبەی چوارشەممە مووچەی هێزەكانی (٧٠ و ٨٠)ی پێشمەرگە لەگەڵ مووچەی وەزارەتی دارایی و ئابوری هەرێم خەرجدەكرێت و رۆژی پێنجشەممەش مووچەی وەزارەتی ناوخۆ دابەشدەکرێت".
دوێنێ ئاوات جەناب نوری، وەزیری دارایی و ئابوری لەگەڵ بەڕێوبەرایەتییەكانی باجەكان و خانوبەرەی میری سلێمانی، هەڵەبجە و ئیدارەی گەرمیان و ڕاپەڕین لەسەر نەبوونی سیولەی سنورەكە كۆبوەوە و ئاماژەی بەوەکرد" وەكو پێویست ناتوانین داهاتی باج كۆبكەینەوە ئەمەش بوەتە گرفتێك بۆ نەبوونی سیولە (پارەی نەختێنە) ئەمەش وایكردوە هەندێك لە فەرمانگەكان موچەكانیان درەنگتر وەربگرن".
ئەوەشی خستەڕوو: هیچ كەس و لایەنێك مافی ئەوەی نییە خۆی لە باجدان بدزێتەوە لە هەمان كاتدا دەبێت فەرمانبەر بزانێت ئەركی خۆی لە خزمەتكردنی وڵات و نەتەوەكەی چییە.